Huancayo llaqtapim tarikun, huk uchuy llaqta Wari sutiyuq. chay Wari llaqtapam, ñawpa Wariwilka sutin karqa, kay Wari Willkaqa iskay rimaykunamantam qispin, Wari: ñawpa kaq, willkañataq: machu kay, chaymantam «Ñawpa waka sutin». Chaypim kunanpuni kachkan sumaq pukyw chuya yakuyuq,
wakinkunañataq, waka pukyuwan sutichanku. Chay sumaq pukyumantas ñawpa pacha paqarimusqa, huk warmi qari. Qaripas Inapukarankápiya sutin kasqa, warmipañataq sutin kasqa Uruchumbe.
Pedro Ceiza de Leonpa qillqaynimpin nichkan, Kay pukyumantas paqarimusqaku ñawpa Wanka runakunapa tukuy yachaynin. Wankakunapa kunakuyninqa karqa, yakupim llapa kawsay qallarin, hinaspapas yakumantataqmi runakunapa kawsaynin hapipakun.
Wariwillkaqa llapa pukyukunapa apun nisqanmi, hinaspapas qanchis pachak yayanchikpa hipanmantaraqmi kan. Ninkutaqmi Warikunas kay sumaq yaku rayku ñawpaqtaqa tiyasqaku, hinaspa anqusu wasita yaku añaychanankupaq rurasqaku. Chaynallataqmi ninku, iskay chunka watayuq sipasta, kay waka ukupi pampasqata tarisqaku.
Qawana wasipim rikukuchkan iskay kuti uman pakisqata, tiqni tullumpas ñitisqa, kuyuchisqa ima, chakinpiñataq pisqu killinchu watasqa kasqa, chaynallataq pusaq watayuq warmapas kasqa, llamapas, allqukunapas paywan pampasqa kasqaku.
Kay warmis huchallikuyman tumpasqa kasqa, chaysi kimsa panaspi wañukusqa hawapi wischusqa, chaymantaqa, chaypi rurasqaku sumaq wakata, tayta Wanka añaychanankupaq. Chaypaqmi hatun rumimanta kancha kachkan rakta rakta pirqasqa.
Hinallataqmi kay waka ukupi kachkan iskay hatu hatun mulli sachakuna, chaytam yayakuna ninku wak sacha mulliqa warmi qarim nispa,
chaynallataqmi ninku tawa pachaq pichqa chunka watayuq kasqanta, kay mullipa sapinmanñataqsi anqusay wawarta talliskaku.
Waranqa isqun pachak suqta chunka watapim, Romero Matos arqueólogo nisqan ñawpa runakunapa siminmanta willakuyninta huqarisqa. Hinaspa nin, ñawpa pachapim warmi qari hamusqaku kay pukyu yaku upyaq, allin kuyakuypi kawsanankupaq, mana mayqinpas huchallikunanpaq, sichum mayqinninpas pantanman chayqa, unquywansi wañurunman. Chaymi kunankama sipaskuna waynakuna yananwan rinku kay sumaq pukyu yaku upyaq.
Wankayuta hamuspaqa, riqsiykunaykichikmi kay Wariwilka nisqanta. Suma sumaqcham. Pay.
