Huq, riqsisqay yachaqmi willakun kay punchawkunapim llaki karparin ayllunpi kay coronavirus unquy wasinman yaykurparin, mana yachayta chayarqamun.
Huk punchaw mana qunqay qataritinsi uma nanaywan, rupariywan, kurkunpas nanaywam, rimariyta mana atispan, chaymi manchakuspa hampina wasiman risqa, Tayta Diosta mañakuspa mana chay coronivirus unquywan kananpaq. Hampina wasipi yawarninta makinmanta urquspa qawan chay unquyta. Hampikamayuq lluqsispa nin qanqa kachkanki chay unquywan, mana atispa rimariyta waqayta qallarisqa, manchakuspa imaynataq kay punchawkuna kanan kasaq.
Chaypin achka hampikunata humusqa wasinman kutimunanpaq, wasinpin mana lluqsispa kasqa chay hampikunata upyarispa allinllananpaq. Taytansi llaqtampi chay punchawkuna kasqa, paymi llakikuspa qamuyta qawariyniyman munasqa, paysi ama qamuychu nisqa, kay unquy mastarikunanta mana munaspansi chaymi chaynata nisqa
Punchawkunapi qatarispas mikunanta yanun achka sasachakuywam, huk punchawkunapi manañan mikurqachu, asnaqllata muskispa mikunatapas, ñañansi qamuspa wariyniq imayna kachkan qawarispansi waqaykun imayna kawsay kachkan nispa, runakunapas wañuchkan kay unquy wañuchichkan warmakunata, tayta mamakunata, payachakunatapas.
Mana qunqayta kay unquy qapikun, manan yachankichu maypi, ni pipas kay unquyta quykusunkimanmi. wasinpipas manchakuspa tiyarqa sapa punchaw, tutapas waqaspa Tayta Diosta mañakuspa paqarisninta allin karparin. Qanchis punchawña chayna kaspansi allinllarqa puriytapas atisqachu, kusikuspa mamanmanpas willakusqa paykunapas kusikuywan chaskisqa kay willakuyta.
Huknin punchawtas qatarisqa allillamanta mikunatapas achkata mikuspa, chay punchaw yachayman yaykusqa kusikuspa, allinllachkasqa, rimariyta manaraq allinta atisqachu chaymi mana rimarispa yachaykunata uyarisqa. Yachachiqkuna celularwan qayasqa tapunanpaq imaynan kachkan nispa, paykuna rimapayan nin chay unquyta wikapananpaq kurkunmanta, mana manchakuychu chay unquyqa manan qanta wañuchisunkichu qanmi kallpayuq kanki allinllankim chayna nispa qayakurqaku yachachiqkuna
Chayna kachkaptin huk punchaw puñurparisqa punchawkama, qatirispansi kawitunmanta umansi nanayta qallarirparisqa, rupariykunsi kurkunpas, nanaywan qataritin chaysi manchakuspan tayta mamanta qayan. Paykunapas mancharparikunku chaymi qamurparinku llaqtanmanta, kay sipas rirqa hampina wasiman tapukunanpaq imaynanpin qatarirpariwan kay unquy, ñuqata allinllachkarqaniña, chaypin nin hampiq kay unquyqa fases nisqan kanmi, hinaspa nin kunanmi qanqa yaykuchkanki iskay fase nisqanman, chaypin waqaspa manchakuspa huk hampikunata chaskikun kay unquypaq.
Wasinman kutimuchkaptin llakisqa tapukun imaynanpi ñuqata kay unquy qapirpariwan nispa, mamaypas waqakun qawaykuwaspa, chaymi nin ama mamay waqaychu lluqsisaqmi kaymanta, allinllasaqmi. kawitullanpis chay punchawkuna kasqa manas atisqachu ima ruwaytapas, manas atisqachu qatariyta, kurkuysi nanaywan kasqa, umansi ruparispa nanaywan kasqa, uyan pas punkisqa inaña kasqa.
Chay punchawkunas puñuytapas atisqachu, nanaywan mana puñuyta atispas waqaykun, huk punchawkunapi wiqillapas chakinankama waqaykun. Kay unquyqa supayniraq kasqa nispa, chaynas kasqa tawa punchaw kawitullanpi mikunantapas mikusqas, ñañallanwan mikuchiptin siminman mikunata quspa, manas kallpanpas kasqachu mikunanpaq, wañusqahina kasqa.
Umanpi sapa punchaw Tayta Diosta mañakusqa allinllananpaq, tayta manta ama waqachinanpaq; chay ñawpaq punchawkuna allinllachkasqa asllamanta chaymi kusikuywan kakusqa, puriytan asllamanta atisqa, umanpas manañan nanasqachu, tayta mamanpas kusiskuspansi qawarisqa allinllaña kaptin kusikunku.
Chaysi yuyarisqa sapallan kaptinqa manas yanusqachu, mikunantan manan allintachu mikusqapas, chaymi nini kay unquyqa chay mana allin mikusqa kallpayuqta qapin, chayna nispa kay punchawkunapis achkata allinta mikunatapas mikuchkan kay sipasllaqa allinllananpaq.
Wawqiykuna, paniykuna, makinchikta mayllikusunchik, hinallataq karu, karumanta purisunchik, ama sinqanchikta, ñawinchikta qanra makiwanqa apisunchikchu, mascarillata churakusunchik awaman lluqsinapaqa, ama qunqaychu, wasikipiqa, aylluykin suyachuchkasunki, kuskan kay sasacahkuymanta lluqsisunchik.