Raymis kasqa paqu llaqtapi, runakunas millay taka, yarqaypi tiyasqaku; chay punchawpaqsi, huk taytakucha kaspi tawnaykusqa, anchuykusqa yanuqkunapa tiyasqanman, warmis, qarintin nirparisqa, chay yuyaqman yaku timpuwan qallaykuychik, allquta, kachaykuychik kachunanpaq, kayman hamunantaqa; utqayllamanñas yuyaqqa ayqirisqa, ñanta richkaptinsi, huk warmi allin sunquyuq nisqa, taytay yaykuykamuy wasiyman ñisu purisqaykitachiki yakunayaymanta kachkanki, yakuta, aywayta munasqa, yuyaqsi nin amayá yakutaqa, aswan waytachaykita quykuway, kusirikunsi yuyaqqa mutkiykuspa waytataqa, nin warmitaqa; mamay ripukuy kay llaqtamanta, wawaykita wikrikuspayki, chitachaykita pusaspayki, Antawaylla llaqtaman riy, ama ima uyarikuptimpas kaylawmanqa qawamunkichu, manachayqa rumimanmi tikrarukunki, chayta nispansi machuchaqa chinkarparin wasiyuq qawachkaptin
Warmis urquta chinkaykuchkaptin paqraraq, ñanta richkaptin hanaq pachamanta para wayra, lliplla ukchallata wichiykamun, hinallataq uku pachamanta yaku tuqyastinraq mancharikunapaq llaqtaman untarparin, lliw raymipi runakuna qaparkachaspa wañun, warmichas hukchallata kutirispan qawasqa llaqtanrayku llakikuspa, utqayllaña richkaptin rumimansi tikrarparin, wawantin chitachantin, ñampi kanankama kachkan mamapitiq nisqampi.
Ichachu uyarisqaykichikmanhina qucha rikurirparin hanaq pachapa, uku pachapa, kay pachapa paqarisqanmanta paqucha qucha, qusiwan llimpisqa, kaypin achka waswa kan; kay quchakuna warmi quchas, chaymanta pacha, runakuna yaykunku challwa apiq, qarikuna wañunku arwikuq yurakunawan, chaymantañataq rikurirparin chay punchawmanta quchakuna tuqiyarparisqa chaytan sutichanku kaykunawan: suytuqucha, pampawasi, paququcha,; kay quchakuna sapa tuta takinku warmipa simimpi, ama piñachiwaychu, hunqayllatan kallmarukusaq llaqtaykichiktan mikusaq.
Kay punchawkunan umalliqkuna, qawarichkanku, kay yaku quchakunata pusamuyta, lliw laymikunaman qarpakunanpaq, chaypaqmi rapipi, llasaq qillqata qispichinqaku umalliq Perú kamachikuqman, kay yarqata kamachinanpaq, lliw chakrakunaman yaku chayamunanpaq, kawsaykuna tarpunankupaq.
Umalliqkunan kusisqa kachkanku, kay licencia social nisqanwan, Lliwpapukiw uchuy suyuchapin, lliw runakunan, ari nirparin, yakuta, kay quchakunamanta, pusanankupaq, llaqtaman, chaywansi sistema de agua desague qispinqa, kay Antawaylla suyupaq; kunanmanta pachayá kamachikuqkuna tantiyaykuchkanku imaynatapas gobiernomanta qullqita achamunanpupaq.
Qawananchikmi, wawqiykuna, paniykuna kay obra qispinanpaq, yanqañataq, chaymanpas corrupción yaykuchkanman, chaychata tantiyaykanakuspa, qatipasun, kay sumaq obra, agua, desague qispinanpaq, llaqtanchik, runakunarayku.
